پاکستان تحریک انصاف کے ارکان پارلیمنٹ نے سیکرٹری جنرل اسد عمر کی قیادت میں الیکشن کمیشن کے حکام کو احتجاجی یادداشت جمع کروا دی ہے کہ ہمیں الیکشن کمیشن کا یکطرفہ اور متعصبانہ فیصلہ منظور نہیں ملک کی سب سے بڑی اور مقبول نمائندہ جماعت کو ایسے ہتھکنڈوں سے دبایا نہیں جاسکتا
اس موقع پر سیکرٹری جنرل اسد عمر نے میڈیا سے گفتگو کرتے ہوئے کہا کہ ملک کے دو بڑے صوبوں کی اسمبلیاں قراردادیں منظور کر چکی ہیں اور پورے ملک کے لاکھوں عوام کے منتخب نمائندوں نے بھی آج یہ فیصلہ سنا دیا ہے کہ راج صرف عوام کا ہوگا انہوں نے کہا کہ ہمارے پر امن احتجاج کو بھونڈے طریقے سے روکنے کی کوشش کی گئی
اس موقع پر ریجنل صدر اسلام آباد علی نواز اعوان سمیت سینئر اراکین پارلیمنٹ، پنجاب اور خیبر پختون خوا اسمبلیوں کے اراکین، وکلا اور سول سوسائٹی کے نمائندوں کی بڑی تعداد موجود تھی
